22.7 C
Islamabad
جمعہ, اپریل 4, 2025
ہومبین الاقوامی خبریںامریکی ٹیرف کے خلاف جوابی اقدامات اٹھائیں گے،چین

امریکی ٹیرف کے خلاف جوابی اقدامات اٹھائیں گے،چین

- Advertisement -

بیجنگ۔3اپریل (اے پی پی):چین نے کہا ہے کہ وہ امریکا کے جوابی ٹیرف کی سختی سے مخالفت کرتا ہے اور اپنے حقوق اور مفادات کے تحفظ کے لیے سخت جوابی اقدامات کرے گا۔ شنہوا کے مطابق یہ بات چینی وزارت تجارت کے ترجمان نے جمعرات کو کہی۔

انہوں نے کہا کہ تاریخ بتاتی ہے کہ ٹیرف میں اضافہ امریکا کے اپنے مسائل حل نہیں کر سکتا ، یہ امریکی مفادات کو نقصان اور عالمی اقتصادی ترقی کے ساتھ ساتھ صنعتی اور سپلائی چین کے استحکام کو بھی خطرے میں ڈالتا ہے۔ ترجمان نے کہا کہ تجارتی جنگ میں کوئی فاتح نہیں ہوتا۔

- Advertisement -

انہوں نے کہا کہ چین امریکا پر زور دیتا ہے کہ وہ اپنے یکطرفہ ٹیرف اقدامات کو فوری طور پر منسوخ کرے اور اپنے تجارتی شراکت داروں کے ساتھ برابری کی بنیاد پر بات چیت کے ذریعے اختلافات کو مناسب طریقے سے حل کرے۔ واضح رہے کہ امریکا نے گزشتہ روز اپنے تجارتی شراکت داروں پر جوابی ٹیرف عائد کرنے کا اعلان کیا۔

Short Link: https://urdu.app.com.pk/urdu/?p=578055

- Advertisement -
متعلقہ خبریں
- Advertisment -

مقبول خبریں