اسلام آباد۔13دسمبر (اے پی پی):نگران وفاقی وزیر برائے نجکاری فواد حسن فواد نے کہا ہے کہ انتخابات کے ملتوی ہونے کی قیاس آرائیاں درست نہیں ہیں، کوئی ایسا ابہام نہیں ہے کہ انتخابات 8 فروری کو نہیں ہوں گے۔ یہ بات انہوں نے وائس آف امریکہ کو ایک انٹرویو دیتے ہوئے کہی۔
نگران وفاقی وزیر نے کہا کہ الیکشن میں تاخیر کے بیانات کا نگران حکومت سے کوئی تعلق نہیں ہے۔ انہوں نے کہا کہ نگران حکومت غیر جانبداری سے اپنے امور انجام دے رہی ہے، ۔ فواد حسن فواد نے کہا کہ وہ کبھی کسی کے سیاسی ایجنڈا کا حصہ نہیں بنے۔کابینہ میں شامل ہونے کا مقصد نجکاری کے زریعے معیشت سے بوجھ کم کرنا ہے ۔
ایک سوال کے جواب میں وفاقی وزیر نے کہا کہ پوری کوشش ہے پی آئی اے کی نجکاری کو جلداز جلد مکمل کیا جائے ۔ انہوں نے کہا کہ اس وقت صرف پی آئی اے کے ایوی ایشن سے متعلق کور بزنس کی نجکاری ہماری ترجیح ہے۔
