انڈونیشیا میں 5.3 شدت کا زلزلہ

جکارتہ ۔22مارچ (اے پی پی):انڈونیشیا کے جزیرہ سماٹرا کے جنوب مغرب میں ہفتہ کے روز 5.3 شدت کا زلزلہ ریکارڈ کیا گیا ہے۔شنہوا کے مطابق جی ایف زیڈ جرمن ریسرچ سینٹر فار جیو سائنسز نے بتایا کہ زلزلہ گرین وچ معیاری وقت کے مطابق 18:08 بجے آیا۔ زلزلے کی گہرائی زمین میں تقریباً 10 کلومیٹر ریکارڈ کی گئی، جب کہ اس کا مرکز 7.58 درجے جنوبی عرض البلد اور 104.88 درجے مشرقی طول البلد پر واقع تھا۔ابتدائی اطلاعات کے مطابق زلزلے سے فوری طور پر کسی جانی یا مالی نقصان کی اطلاع موصول نہیں ہوئی، تاہم متعلقہ حکام صورت حال کا جائزہ لے رہے ہیں۔