لندن۔18اپریل (اے پی پی):انگلش پریمیئر فٹ بال لیگ میں کل بروز (ہفتہ کو)مزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔
پہلا میچ برینٹ فورڈ اور برائٹن اینڈ ہوو البیون کی ٹیموں کے درمیان جی ٹیک کمیونٹی سٹیڈیم،برینٹ فورڈ کے مقام پر کھیلا جائے گا،دوسرا کرسٹل پیلس بورن مائوتھ کی ٹیموں کے درمیان سیلہرسٹ پارک، لندن کے مقام پر کھیلا جائے گا،تیسرے میچ میں ایورٹن اور دفاعی چیمپئن مانچسٹر سٹی کی ٹیمیں آمنے سامنے ہوں گی اور یہ میچ گڈیسن پارک، لیورپول میں کھیلا جائے گا۔
چوتھا میچ ویسٹ ہیم یونائیٹڈ اور سائوتھمپٹن کی ٹیموں کے درمیان لندن سٹیڈیم ، لندن میں کھیلا جائے گاجبکہ19اپریل بروز ہفتہ کا پانچواں اور آخری میچ آسٹن ولا اور نیوکیسل یونائیٹڈ کی ٹیموں کے درمیان ولا پارک، برمنگھم کے مقام پر کھیلا جائے گا۔انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔
ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں
Short Link: https://urdu.app.com.pk/urdu/?p=583861
