لندن۔21مارچ (اے پی پی):انگلش پریمیئر فٹ بال لیگ میں 2 اپریل کو مزید 6میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ ناٹنگھم فارسٹ اور مانچسٹر یونائیٹڈ کی ٹیموں کے درمیان دی سٹی گرائونڈ ناٹنگھم کے مقام پر کھیلا جائے گا،دوسرا میچ بورن ماؤتھ اور ایپسوچ ٹائون کی ٹیموں کے درمیان وائٹلٹی سٹیڈیم ،بورن مائوتھ کے مقام پر کھیلا جائے گا،تیسرے میچ میں برائٹن اینڈ ہوو البیون اور آسٹن ولا کی ٹیمیں آمنے سامنے ہوں گی اور یہ میچ امریکن ایکسپریس سٹیڈیم، فالمر میں کھیلا جائے گا۔
چوتھا میچ دفاعی چیمپئن مانچسٹر سٹی اور لیسٹرسٹی کی ٹیموں کے درمیان اتحاد سٹیڈیم،مانچسٹر میں کھیلا جائے گا،پانچویں میچ میں نیوکیسل یونائیٹڈ اور برینٹ فورڈ کی ٹیمیں سینٹ جیمز پارک نیو کیسل اپون ٹائن ،انگلینڈ میں پنجہ آزمائی کریں گی جبکہ 2اپریل کو چھٹا اور آخری میچ میں سائوتھمپٹن اور کرسٹل پیلس کی ٹیمیں سینٹ میری سٹیڈیم، سائوتھمپٹن کے مقام پر آمنے سامنے ہوں گی ۔
انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔ ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔
Short Link: https://urdu.app.com.pk/urdu/?p=574931
