اسلام آباد۔11مئی (اے پی پی):بھارتی جارحیت کا تاریخی اور منہ توڑ جواب دینے پر افواج پاکستان کو خراج تحسین پیش کرنے اور اظہاریکجہتی کیلئےملک کے مختلف حصوں میں ریلیاں نکالی گئیں۔شہر شہر، گلی گلی افواج پاکستان کو خراج تحسین پیش کیا گیا۔افواج پاکستان کے جوانوں پر پھولوں کی پتیاں نچھاور کی گئیں پھولوں کے ہار پہنائے گئے۔
لکی مروت میں فتح کی خوشی میں عوام کی بڑی تعداد نےقومی پرچم اٹھا کر پاک فوج زندہ باد کے نعرے لگائے۔شمالی وزیرستان باجوڑ میں بھی بھارتی جارحیت اور افواج پاکستان کی فتح پر ریلی کا انعقاد کیا گیا۔چترال میں بھی غیور عوام افواج پاکستان کو خراج تحسین پیش کرنے کیلئے سڑکوں پر نکل آئے۔پشاور کینٹ اور مردان میں بھی عوام کی بڑی تعدادبھارت کیخلاف فتح کا جشن منانے سڑکوں پر آگئی۔
ڈیرہ اسماعیل خان اور ٹانک میں بھی عوام پاک فوج زندہ باد ، بھارت مردہ باد کے نعرے لگاتی سڑکوں پر نکل آئے ۔سوات میں بھی عوام کی بڑی تعداد نے اپنی بہادر مسلح افواج کو خراج تحسین پیش کیا۔مہمند، نوشہرہ اور قلعہ بالا حصار میں بھی عوام نے فتح کی خوشی میں ریلیوں کا انعقاد کیا۔
ریلیوں میں ہر مکتبہ فکر کے افراد نے شرکت کی اس دوران عوام نے مٹھائیاں بھی تقسیم کیں۔ریلیوں کے شرکاء نے اللہ کی ذات کا اس شاندار فتح پر شکر ادا کیا اور افواج پاکستان کے حق میں نعرے لگائے۔
Short Link: https://urdu.app.com.pk/urdu/?p=595633
