اگر دوبارہ حملہ کیا گیا تو ہمارارد عمل زیادہ فیصلہ کن اور تکلیف دہ ہو گا، ایران

تہران ۔11جولائی (اے پی پی):ایرانی صدر مسعود پزشکیان نےخبردار کیا کہ اگر ایران پر دوبارہ حملہ کیا گیا تو ہمارارد عمل زیادہ فیصلہ کن اور تکلیف دہ ہو گا۔ ایرانی خبررساں ادارے ارنا کے مطابق انھوں نے یورپی کونسل کے صدر انتونیو کوسٹا کو فون پر بتایا کہ ایران اور بین الاقوامی ایٹمی توانائی ایجنسی (آئی اے ای اے) کے درمیان تعاون کا انحصار اس بات پر ہے کہ ایجنسی اپنے دہرے معیارات کو درست کرے۔