بانس کی کاشت کے فروغ سے مختلف صنعتوں کی ضروریات پوری، زرمبادلہ بھی کمایاجا سکتا ہے، ماہرین آری

فیصل آباد ۔ 19 دسمبر (اے پی پی):ماہرین زراعت نے کہا ہے کہ ملک میں بانس کی کاشت کوفروغ دےکر جہاں ملکی ٹمبر، فرنیچر، ہینڈی کرافٹس، کوئلہ، سرکہ، کپڑا اور کاغذ کی ضروریات کو پورا کیا جا سکتاہے ، بانس کی اضافی پیداوار اور اس سے تیار کردہ مصنوعات کی برآمد سےسالانہ اربوں ڈالر زر مبادلہ بھی حاصل کیا جاسکتا ہے۔

ریسرچ انفارمیشن یونٹ آری فیصل آباد کے مطابق چین نے بانس کی 540سے زائد اقسام تیار کی ہیں اس لئے پاکستان اس کی بانس کی ٹیکنالوجی میں خصوصی پیشرفت سے استفادہ کر کے بہتر پیداوار حاصل کرنے کے قابل ہو سکتاہے۔ انہوں نے بتایاکہ چین کے کروڑوں افراد بانس کی شوٹ کو پراسیس کرکے بیرون ممالک بھجوا رہے ہیں جس سے انہیں بھاری زر مبادلہ حاصل ہو رہا ہے۔

انہوں نے کہاکہ پاکستان میں جہاں جنگلات کا فقدان ہے وہاں بانس کی کاشت کو فروغ دےکر نہ صرف زمیندار اپنی آمدنی بڑھا سکتے ہیں بلکہ حکومت بانس کی تیار کردہ مصنوعات کو برآمد کرکے کثیر زر مبادلہ بھی کما سکتی ہے۔ انہوں نے بتایا کہ چین میں بانس کی ایک قسم اوسطا ً7سے 8لاکھ روپے فی ایکڑ سالانہ آمدنی فراہم کرتی ہے۔

Short Link: https://urdu.app.com.pk/urdu/?p=537579