ملتان۔ 28 دسمبر (اے پی پی):جنوبی پنجاب میں بجلی چوروں اور نادہندگان کے خلاف آپریشن جاری ہے۔میپکو ترجمان کے مطابق ایک روز میں چیکنگ ٹیموں نے مزید 61 صارفین کو بجلی چوری کرتے ہوئے پکڑکرمختلف پولیس اسٹیشنوں میں 27 نئے مقدمات کا اندراج کروادیاجبکہ 2 بجلی چور موقع سے گرفتارکئے گئے ۔بجلی چوروں کو 49 لاکھ 95 ہزار روپے جرمانہ عائد کیا گیا ۔ 20 لاکھ 47 ہزار روپے سے زائد عائد کردہ جرمانہ موقع پر وصول کر لیا گیا۔ رننگ اور ڈیڈ ڈیفالٹرز کے خلاف آپریشن میں 2 کروڑ 29 لاکھ روپے ریکورکئے گئے ۔
جنوبی پنجاب میں بھی نادہندہ کاشتکاروں کے خلاف آپریشن میںملتان، وہاڑی، بہاولپوراور ساہیوال میں 38 لاکھ 70 ہزار روپے واجبات کی عدم ادائیگی پر 11 ٹیوب ویلوں کی بجلی منقطع کردی گئی اور 10 لاکھ روپے واجبات کی عدم ادائیگی پر رحیم یار خان، بہاولنگر اور خانیوال میں 3 ٹیوب ویلوں کے ٹرانسفارمرزبھی اتارلئے گئے۔
