کوئٹہ۔ 11 اگست (اے پی پی):گورنربلوچستان جعفرخان مندوخیل نے کہا ہے کہ بلوچستان پورے خطہ کی معاشی اور تجارتی سرگرمیوں کا مرکز بنے گا اور اس کا تجارتی منظرنامہ بہت متحرک اور مسلسل ترقی کی جانب گامزن ہے۔ میں بذات خود اسلام آباد سے لیکر عالمی سطح کے ہر ذمہ دار فورم پر میں اپنے ملک کے تاجروں اور صنعت کاروں کی بھرپور نمائندگی کرتا ہوں،ہم ایسی پالیسیوں اور منصوبوں کی وکالت کرتے ہیں جو معاشی انقلاب برپا کرنے میں معاون ثابت ہوں،ان خیالات کا اظہار انہوں نے الیعقوب انٹرنیشنل بزنس گروپ اور ویلفیئر سوسائٹی کے زیر اہتمام تقریب تقسیم ایوارڈز کے شرکاء سے خطاب کرتے ہوئے کیا، اس موقع پر پاکستان میں تعینات ایرانی قونصل جنرل علی رضا رجائی، صوبائی مشیر نسیم الرحمٰن، صدر کوئٹہ چیمبر آف کامرس اینڈ انڈسٹری محمد ایوب مریانی، سابق صوبائی سیکرٹری جاوید سرور، مرکزی انجمن تاجران کے صدر رحیم کاکڑ اور الیعقوب انٹرنیشنل بزنس گروپ اور ویلفیئر سوسائٹی کے سربراہ محمد یعقوب سمیت زندگی کے مختلف شعبوں سے تعلق رکھنے والے افراد شریک تھے،
تقریب سے خطاب میں گورنر بلوچستان جعفرخان مندوخیل نے کہا کہ آج صوبہ بلوچستان کے تمام تاجروں اور صنعتکاروں کو خوشخبری دینا چاہتا ہوں کہ بہت جلد ہمارا صوبہ پورے خطہ کی معاشی اور تجارتی سرگرمیوں کا مرکز بنے گا، سینٹرل ایشیا سے لیکر مڈ ایسٹ تک کے سرمایہ کار اور تاجر یہاں کا رخ کرنے پر مجبور ہیں۔ وہ دن دور نہیں جب ایک روشن مستقبل کی تعمیر آپ اپنے ہاتھوں سے کرینگے اور کوئٹہ کو پاکستان کی معیشت کا تاج بنائیں گے، میرے لیے معیشت اور تجارت سے متعلق ہر پروگرام میں شرکت افتخار کا باعث ہوتی ہے۔ تمام تاجر، صنعتکار اور چھوٹے کاروباری حضرات بلوچستان کا فخر ہیں ، قبل ازیں گورنر بلوچستان نے زندگی کے مختلف شعبوں نمایاں کارکردگی کا مظاہرہ کرنے والے افراد کوایوارڈ زسے نواز
