ڈھاکہ۔19دسمبر (اے پی پی):بنگلہ دیش اور بھارت کی ٹیموں کے درمیان دو ٹیسٹ میچوں پر مشتمل سیریز کا دوسرا اور آخری میچ 22 دسمبر سے شیر بنگلہ نیشنل سٹیڈیم ڈھاکہ میں شروع ہوگا،بھارت کو بنگلہ دیش کے خلاف دو میچوں کی سیریز میں 0-1 کی برتری حاصل ہے، اس نے بنگلہ دیش کو پہلے ٹیسٹ میچ میں 188 رنز سے شکست دی تھی، اس سے قبل میزبان بنگلہ دیش کی ٹیم نے مہمان بھارت کو تین ایک روزہ بین الاقوامی میچوں پر مشتمل سیریز میں 1-2 سے شکست دی تھی۔
پہلے ٹیسٹ میچ میں بھارتی ٹیسٹ ٹیم کی قیادت روہت شرما کی عدم موجودگی کی بنیاد پر لوکیش راہول نے کی تھی تاہم روہت شرما کی واپسی ہوگئی ہے اور فٹنس مسائل کے چھٹکارہ پانے کے بعد بنگلہ دیش کے خلاف دوسرے ٹیسٹ میچ میں وہ اپنی ٹیم کو لیڈ کر یں گے جبکہ بنگلہ دیشی ٹیم مایہ ناز آل رائونڈر شکیب الحسن کی قیادت میں میدان میں اترے گی۔دونوں ٹیموں کے درمیان دوسرا اور آخری ٹیسٹ میچ 22 سے 26 دسمبر تک ڈھاکہ میں کھیلا جائے گا۔
