بہاولنگر 20 فروری (اے پی پی):بہاولنگر سمیت صوبہ بھر میں عوامی شکایات پر محتسب پنجاب کا ایکشن 56کروڑ 50 لاکھ مالیت کا کل 86 ایکڑ سرکاری رقبہ واگزار کروا لیا گیا۔
پنجاب بھر میں محتسب پنجاب میجر اعظم سلیمان خان (ر)کے حکم پر56کروڑ 50 لاکھ کا کل 86 ایکڑ سرکاری رقبہ واگزار کروا لیا گیا۔صوبہ بھر سے مختلف درخواست گزاران نے دفتر ہٰذا میں سرکاری گزرگاہ اور سرکاری رقبہ پر قبضہ کے حوالے سے شکایت گزاری اور استدعا کی کہ ان قبضہ مافیا سے سرکاری رقبہ واگزار کروایا جائے۔
اس تناظر میں محتسب پنجاب میجر اعظم سلیمان خان (ر)نے متعلقہ صوبائی افسران کو ہدایات جاری کیں کہ وہ مذکورہ رقبہ ملکیتی صوبائی حکومت کی حسب ضابطہ واگزاری کروائیں۔اس ضمن میں حسب الحکم کاروائی کرتے ہوئے کل86 ایکڑ سرکاری رقبہ واگزار کروا لیا گیا ہے جس کی مارکیٹ ویلیو 56 کروڑ 50 لاکھ سے زائدہے۔
