تجارتی سرگرمیوں کے فروغ کیلئے گوادر کے لیے فضائی رابطے میں توسیع ناگزیر ہے،وفاقی وزیر بحری امور جنید انوار چوہدری

اسلام آباد۔31جولائی (اے پی پی):وفاقی وزیر بحری امور جنید انوار چوہدری نے کہا ہے تجارتی سرگرمیوں کے فروغ کیلئے گوادر کے لیے فضائی رابطے میں توسیع ناگزیر ہے،صرف ایک پرواز چل رہی تھی،پروازوں کا اضافہ اہم پیش رفت ہے۔وفاقی وزیر بحری امور محمد جنید انوار چوہدری کی کاوشوں سے گوادر کیلئے مزید دو پروازیں بحال کرنے کا فیصلہ کیا گیا ہے،پی آئی اے کی کراچی سے گوادر نئی پروازیں اگست کے پہلے ہفتے سے شروع ہوں گی۔ترجمان وزارت بحری امور کے مطابق وفاقی وزیر بحری امور نے کہا کہ تجارتی سرگرمیوں کے فروغ کیلئے فضائی رابطے میں توسیع ناگزیر ہے،پہلے صرف ایک پرواز چل رہی تھی، پروازوں کا اضافہ اہم پیش رفت ہے، پروازوں کی بحالی وزیراعظم کے کاروبار دوست وژن کا عملی اظہار ہے۔انہوں نے کہا گوادر فری زونز کی فعالی میں بہتر فضائی رسائی بنیادی حیثیت رکھتی ہے،فضائی سہولیات سے سرمایہ کاری اور تجارت کے مواقع بڑھیں گے،تاجر برادری، پورٹ عملے اور لاجسٹکس سیکٹر کو سہولت دینا حکومت کی ترجیح ہے،سی پیک منصوبوں کی بروقت تکمیل کیلئے فضائی روابط ناگزیر ہیں،پروازوں کا اضافہ گوادر میں معاشی ترقی کا نیا باب ہے۔