انقرہ ۔20مارچ (اے پی پی):ترکیہ کے وزیر خارجہ ہاکان فیدان( کل) بیلجیئم میں ہونے والی پہلی بین الاقوامی جوہری توانائی سمٹ میں شرکت کریں گے۔ تا س کے مطابق سفارتی ذرائع نے بتایا کہ وزیر خارجہ ہاکان فیدان کل 21 مارچ کو برسلز میں ہونے والی پہلی بین الاقوامی جوہری توانائی سمٹ میں شرکت کریں گے۔ وہ حکومت کی میزبانی میں ہونے والے سربراہی اجلاس میں شرکت کے لیے ایک وفد کی سربراہی کریں گے۔
اس سمٹ میں دنیا بھر کے رہنما عالمی چیلنجوں سے نمٹنے کے لیے جوہری توانائی کے کردار پر زور دینے کے لیے اجلاس کریں گے جس میں فوسل فیول کے استعمال کو کم کرنا، توانائی کی حفاظت کو بہتر بنانا، اور اقتصادی ترقی کو تحریک دینا شامل ہیں ۔ واضح رہے21سے 22 مارچ تک اس سربراہی اجلا س کو آئی اے ای اے اور بیلجیئم مشترکہ طور پر منعقد کر رہے ہیں جس کی مشترکہ صدارت آئی اے ای اے کے ڈائریکٹر جنرل رافیل ماریانو گروسی اور بیلجیئم کے وزیر اعظم الیگزینڈر ڈی کرو کریں گے۔
یہ اب تک کا سب سے اہم اجتماع ہوگا جو مکمل طور پر جوہری توانائی کے لیے وقف ہے، جس کا موضوع جوہری ایندھن کی کھپت کو کم کرنے اور کم کاربن بجلی کی بڑھتی ہوئی طلب کو پورا کرنے کی صلاحیت کی وجہ سے عالمی سطح پر بڑھتی ہوئی دلچسپی ہے۔
