اسلام آباد۔25اکتوبر (اے پی پی):سپیشل انویسٹمنٹ فیسلی ٹیشن کونسل (ایس آئی ایف سی) کاتھیلی سیمیا کی روک تھام کے حوالے سے ایک اہم اجلاس منعقد کیا۔اجلاس میں وزارت صحت سمیت پاکستان بھر سے سرکاری اور غیر سرکاری اہلکاروں نے شرکت کی۔ایس ٓائی ایف سی کے اجلاس میں "تھیلی سیمیا اویئرنس آرگنائزیشن” نے بھی اپنے اہم نکات اور مستقبل میں تھیلی سیمیا کی روک تھام کیلئے پلا ن پیش کیا جسے اجلا س کے شرکاء نے سراہا۔
تھیلی سیمیا اویئرنیس آرگنائزیشن نے اپنی سفارشات میں بتایا کہ تھیلی سیمیا سے بچاؤ کیلئے عوامی آگاہی مہم کا دائرہ وسیع ہونا چاہئے، شادی سے پہلے تھیلی سیمیا ٹیسٹ لازمی قرار دیا جائے اور تھیلی سیمیا مائنر اور میجر کی مکمل تفصیل نادرا کے ڈیٹا میں محفوظ ہونی چاہئے، تعلیمی اداروں اور سینما گھروں میں بھی آگاہی مہم شروع کی جائے۔اجلاس کے اختتام پر ایس ٓائی ایف سی نے تھیلی سیمیا اویئرنیس آرگنائزیشن کے نکات کو سراہا اور مستقبل میں مزید اقدامات کرنے کا عندیہ دیا۔
Short Link: https://urdu.app.com.pk/urdu/?p=517012
