اسلام آباد۔8دسمبر (اے پی پی): وزیر خارجہ بلاول بھٹو زرداری نے کہا ہے کہ جمہوری نظام اور روایات کے تسلسل سے ہی پائیدار ترقی ممکن ہے،
ہمیں مالی وسائل کی بہتر اور منصفانہ تقسیم کے لیے بین الاقوامی مالیاتی اداروں میں اصلاحات کی ضرورت ہے،
وزیر خارجہ نے ان خیالات کا اظہار انڈونیشیا کے دورے کے موقع پر 15 ویں بالی جمہوری فورم سے خطاب کرتے ہوئے کیا۔
انہوں نے کہا کہ جمہوریت ایک آزاد معاشرے کی بنیاد ہے، پاکستان ہمیشہ سے عوام پر مبنی جمہوریت کے لیے کوشاں رہا ہے۔وزیر خارجہ نے کہا کہ افسانوی جمہوریت کو حقیقی جمہوریت میں بدلنا ہے۔
