حج کوٹہ کے خلاف کیس میں نجی ٹور آپریٹرز کی متفرق درخواستیں واپس لینے کی درخواست منظور

اسلام آباد۔26اگست (اے پی پی):اسلام آباد ہائی کورٹ کے جسٹس محمد اعظم خان نے حج کوٹہ کے خلاف کیس میں نجی ٹور آپریٹرز کی متفرق درخواستیں واپس لینے کی درخواست منظور کر لی۔ درخواست گزاروں کی جانب سے چودھری اسامہ طارق ایڈووکیٹ اور دیگر عدالت میں پیش ہوئے اور موقف اختیار کیا کہ ان کی رضامندی کے بغیر ان کا نام مرکزی کیس میں شامل کیا گیا۔ استدعا ہے کہ عدالت مرکزی کیس کے درخواست گزاروں میں سے نام نکالنے کا حکم دے۔ عدالت نے نجی ٹورآپریٹر کی پٹیشن واپس لینے کے لیے دائر متفرق درخواستیں منظور کرلیں۔ حج کوٹہ کے خلاف متعدد نجی ٹور آپریٹرز نے اسلام آباد ہائی کورٹ سے رجوع کر رکھا ہے۔