اسلام آباد۔7دسمبر (اے پی پی):نیشنل ہائی ویز اینڈ موٹروے پولیس نےحد نگاہ بہتر ہونے کے باعث موٹروے ایم ون پشاور سے برہان تک کھول دی ۔ ترجمان موٹروے پولیس کی طر ف سے جاری بیان کے مطابق بدھ کی شب شدید دھند کی وجہ سے موٹر وے ایم ون کے برہان تا رشکئی اور رشکئی سے پشاور حصوں کو بتدریج بند کر دیا تھا جنہیں جمعرات کو علی الصبح دھند کی شدت کم ہونے پر دوبارہ کھول دیا گیا ۔
ترجمان نے کہا کہ موٹروے بند کرنے کا مقصد حادثات سے بچا ئواور موٹروے صارفین کے جان و مال کا تحفظ ہے۔ شہریوں سے درخواست ہے کہ دھند کے اوقات میں غیر ضروری سفر سے گریز کریں، اپنا سفر دن کی روشنی میں مکمل کر کے دھند کے اغاز سے پہلے اپنے منزل مقصود تک پہنچ جائیں،گاڑیوں میں فوگ لائٹس کا استعمال کریں ، تیز رفتاری سے پرہیز کریں اور اگلی گاڑی سے مناسب فاصلہ معمول سے زیادہ رکھیں۔
شہری سفر شروع کرنے سے پہلے موٹروے پولیس ہیلپ لائن 130 ،نیشنل ہائی ویز اینڈ موٹروے پولیس کے آفیشل سوشل میڈیا اکانٹ سے تازہ ترین معلومات حاصل کر سکتے ہیں ۔
Short Link: https://urdu.app.com.pk/urdu/?p=417658
