اسلام آباد ۔ 12 جون (اے پی پی) وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ عوامی وزیراعظم نے قوم سے دل کی بات کرکے ان کے دل جیت لئے، عمران خان کا خطاب قوم کی آواز ہے، حکومت نے نہایت متوازن بجٹ پیش کیا جو معیشت کے استحکام اور ترقی کے نئے دروازے کھولے گا۔ بدھ کو اپنے ٹویٹ میں وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ عوام کا درد اور احساس وزیراعظم کی تقریر کا بنیادی جزو تھا۔ انہوں نے کہا کہ ملک و قوم پر مسلط دو خاندانوں کے استحصالی راج پر کاری ضرب لگا کر حقیقی عوامی تبدیلی لانا ان کا عظیم کارنامہ ہے۔ ڈاکٹر فردوس عاشق اعوان نے کہا کہ ٹیکس وصولی کی مجوزہ پالیس مو¿ثر ہوگی، صحت و تعلیم میں بہتری کا منصوبہ لائق تحسین ہے۔ انہوں نے کہا کہ سرکاری ملازمین کی تنخواہوں میں اضافے اور وزراءکی تنخواہوں میں کمی تاریخی فیصلے ہیں۔
