- Advertisement -
ریاض۔7دسمبر (اے پی پی):خلیج تعاون کونسل نے مشترکہ سیاحتی ویزے کی منظوری دے دی ہے۔اردو نیوزکے مطابق سعودی وزیر سیاحت احمد الخطیب نے کہا ہے کہ مشترکہ سیاحتی ویزے کی منظوری سے عالمی سطح پر منفرد ٹورسٹ فرنٹ کی حیثیت سے خلیجی ممالک کی پوزیشن مضبوط ہوگی۔
انہوں نے کہا کہ مشترکہ ویزے سے خلیجی ممالک کے درمیان رابطے موثر انداز میں آگے بڑھیں گے اور جی سی سی ممالک کے درمیان سیاحوں اور مقیم غیرملکیوں کو سیاحت کے لیے آمد رفت میں سہولت ہوگی۔ انہوں نے مزید کہا کہ سعودی وزارت سیاحت کی خواہش ہے خلیجی ممالک میں سیاحت کی وزارتوں کے درمیان تعاون مزید بڑھے تاکہ علاقے میں معیشت اور سیاحت کو فروغ حاصل ہو سکے۔
- Advertisement -
Short Link: https://urdu.app.com.pk/urdu/?p=417568
- Advertisement -
