ریاض۔4مارچ (اے پی پی):سعودی وزیر خارجہ شہزادہ فیصل بن فرحان نے خلیج تعاون کونسل (جی سی سی) کی وزارتی کونسل کے اجلاس میں شرکت کی ہے۔سرکاری خبر رساں ایجنسی کے مطابق دارالحکومت ریاض میں جی سی سی سیکرٹریٹ میں ہونے والے اجلاس میں مشترکہ خلیجی اقدامات کا جائزہ لیا گیا۔اجلاس میں علاقائی اور بین الاقوامی صورتحال خاص طور پر غزہ کی پٹی اور رفح شہر میں تازہ ترین پیش رفت، فوری جنگ بندی کی اہمیت اور انسانی امدادی راہداریوں کا تحفظ یقینی بنانے پر تبادلہ خیال کیا گیا۔اجلاس کی صدارت قطر کے وزیر اعظم و وزیر خارجہ شیخ محمد بن عبدالرحمن آل ثانی نے کی۔
