27.9 C
Islamabad
اتوار, اگست 31, 2025
ہومعلاقائی خبریںدریائے ستلج فیروز پور کے مقام پر پانی کے بہائو میں اضافے...

دریائے ستلج فیروز پور کے مقام پر پانی کے بہائو میں اضافے اور اونچے درجے کے سیلاب کی وارننگ جاری،ترجمان پی ڈی ایم اے

- Advertisement -

لاہور۔25اگست (اے پی پی):دریائے ستلج میں فیروز پور ڈائون سٹریم اونچے درجے کے سیلاب کی صورتحال ہے۔ ترجمان پی ڈی ایم اے کے مطابق دریائے ستلج اور ملحقہ ندی نالوں میں پانی کے بہائو میں اضافہ متوقع ہے، اس حوالے سے پی ڈی ایم اے نے متعلقہ اضلاع کے ڈپٹی کمشنرز کو الرٹ رہنے کی ہدایات جاری کر دی ہیں۔ لاہور، ساہیوال، ملتان، بہاولپور اور ڈیرہ غازی خان کے کمشنرز جبکہ قصور، اوکاڑہ، پاکپتن، وہاڑی، بہاولنگر، لودھراں، بہاولپور، ملتان اور مظفرگڑھ کے ڈپٹی کمشنرز کو بھی الرٹ جاری کر دیا گیا ہے۔

عرفان علی کاٹھیا نے لوکل گورنمنٹ، محکمہ زراعت، محکمہ آبپاشی، محکمہ صحت، محکمہ جنگلات، لائیو اسٹاک اور محکمہ ٹرانسپورٹ کو الرٹ جاری کر دیاہے۔ ڈی جی نے کہا ہے کہ وزیر اعلی پنجاب کی ہدایات کے پیش نظر تمام تر انتظامات مکمل کریں۔ہنگامی صورتحال سے نمٹنے کیلئے ریسکیو ٹیموں کو پیشگی حساس مقامات پر تعینات کریں۔موسلادھار بارشوں کی صورت میں شہریوں کو پیشگی آگاہ کریں۔ مساجد میں اعلانات اور لوکل سطح پر شہریوں کو محفوظ مقامات پر رہنے کی ہدایات جاری کی جائیں۔ انہوں نے شہریوں سے اپیل کی ہے کہ ضلعی انتظامیہ اور ریسکیو اداروں سے مکمل تعاون کریں۔ پی ڈی ایم اے کی جاری کردہ ہدایات پر عمل کریں۔ شہری ایمرجنسی کی صورت میں پی ڈی ایم اے کی ہیلپ لائن 1129 پر رابطہ کریں۔

- Advertisement -
متعلقہ خبریں
- Advertisment -

مقبول خبریں