کرائسٹ چرچ ۔17مارچ (اے پی پی):نیوزی لینڈ کی خواتین ٹیم نے سری لنکا کی خواتین ٹیم کو دوسرے ٹی 20 انٹرنیشنل کرکٹ میچ میں 7 وکٹوں سے ہرا کر تین میچوں کی سیریز میں1-1 سے برابر کر دی ۔
میزبان نیوزی لینڈ ویمنز ٹیم نے 114رنز کا مطلوبہ ہدف 18.3 اوورز میں 3 وکٹوں کے نقصان پر حاصل کرلیا۔سری لنکن ویمنز ٹیم پہلے بیٹنگ کرتے ہوئے مقررہ 20 اوورز میں 113 رنز بنا کر آئوٹ ہوگئی اور اس نے نیوزی لینڈ ویمنز کو میچ میں کامیابی کے لئے 114 رنز کا ہدف دیا۔ مانودی نانایاکارا35،کپتان چماری اتھاپتھو 23 اور نیلاکشی ڈی سلوا20رنز بناکر نمایاں رہیں۔
نیوزی لینڈ کی جانب سے بری الینگ اور جیس کر نے عمدہ بائولنگ کا مظاہرہ کرتے ہوئے دو، دو کھلاڑیوں کو آئوٹ کیا۔جواب میں کپتان سوزی بیٹس کی 47 اور بروک ہالیڈے کے ناقابل شکست 46 رنز کی عمدہ اننگز کی بدولت نیوزی لینڈ کی ویمنز ٹیم نے 114رنز کا مطلوبہ ہدف 18.3 اوورز میں 3 وکٹوں کے نقصان پر حاصل کرلیا۔کپتان سوزی بیٹس 47 رنز بناکر آئوٹ ہوئی جبکہ بروک ہالیڈے نے ناقابل شکست 46 رنز کی عمدہ اننگز کھیلی،یوں نیوزی لینڈ کی ویمنز ٹیم نے دوسرے ٹی 20 انٹرنیشنل کرکٹ میچ میں سری لنکا کی خواتین ٹیم کو 7 وکٹوں سے ہرا کر تین میچوں کی سیریز میں 1-1 سے برابر کر دی ۔سری لنکا کی جانب سے انوشی پریادھرشنی اور سوگنڈیکا کماری نے ایک، ایک کھلاڑی کو آئوٹ کیا۔نیوزی لینڈ ویمنز کی کپتان سوزی بیٹس کو میچ کی بہترین کھلاڑی قرار دیا گیا ۔
Short Link: https://urdu.app.com.pk/urdu/?p=573335
