دوماہ کے دوران بلوچستان کے بارڈر سے 151غیرقانونی تارکین وطن کو گرفتار کیا ہے،ترجمان کوسٹ گارڈز

کراچی۔ 26 دسمبر (اے پی پی):پاکستان کوسٹ گارڈزنے اپنے فرائض منصبی کی ادائیگی کرتے ہوئے دوماہ کے دوران بلوچستان کے بارڈر سے 151غیرقانونی تارکین وطن کو گرفتار کر لیا،یہ تمام افراد بغیر کسی قانونی دستاویز اور راہ داری کے غیر قانونی طریقے سے سفر کر رہے تھے۔

ترجمان پاکستان کوسٹ گارڈزکے مطابق ابتدائی تفتیش کے بعدان تمام افراد کو مزید تفتیش اور دیگر قانونی کاروائیوں کے لیے ایف آئی اے حکام کے حوالے کر دیا گیاہے۔واضح رہے کہ پاکستان کوسٹ گارڈز اس امر کا اعادہ کرتی ہے کہ مستقبل میں بھی اس طرح کی کاروائیاں تسلسل کے ساتھ جاری رکھے گی تا کہ وطنِ عزیز کو انسانی سمگلنگ جیسی لعنت سے نجات دلائی جا سکے،اس کے لئے تمام دستیاب وسائل کو بروئے کار لایا جائے گا۔

Short Link: https://urdu.app.com.pk/urdu/?p=539695