کراچی۔ 06 فروری (اے پی پی):منگل کی رات 12 بجے کے بعد سیاسی سرگرمیوں پر پابندی عائد ہو گی۔
صوبائی الیکشن کمشنر سندھ سے منگل کو جاری اعلامیہ کے مطابق صوبائی الیکشن کمشنر سندھ شریف اللہ نے عام انتخابات 2024ء میں حصہ لینے والے صوبہ سندھ کے تمام امیدواران اور سیاسی جماعتوں کی توجہ الیکشنز ایکٹ 2017 کی شق نمبر 182 پر مرکوز کرواتے ہوئے کہا ہے کہ آج انتخابی مہم کا آخری روز ہے، آج 6 اور 7 فروری 2024 کی درمیانی شب 12 بجے کے بعد کوئی بھی شخص کسی بھی جلسے، جلوس، کارنر میٹنگ یا اس نوعیت کی کسی سیاسی سرگرمی میں شرکت بھی ممنوع ہے۔
لہٰذا کوئی بھی شخص جو قانون کی مذکورہ بالا شق کی خلاف ورزی کرے گا اس کے خلاف سخت قانونی کارروائی عمل میں لائی جائے گی۔
