راولپنڈی میں ٹریفک حادثات کا باعث بننے والی پبلک ٹرانسپورٹ کے خلاف کارروائی،964 گاڑیاں بند

راولپنڈی ۔18اکتوبر (اے پی پی):سی پی او سید خالد ہمدانی کی ہدایت پر پبلک سروس گاڑیوں کی فٹنس، روٹ پرمٹ اور لائسنس چیکنگ کے 53 روز کے دوران 964 ان فٹ گاڑیاں بند کر دی گئیں۔

پولیس ترجمان کے مطابق 8032 پبلک سروس گاڑیوں کے چالان کیے گئے، قانون کی خلاف ورزی پر 87 لاکھ 16 ہزار روپے کے جرمانے کئے گئے، بغیر لائسنس گاڑی چلانے والے 684 ڈرائیوروں کے خلاف قانونی کارروائی کی گئی،غفلت کے مرتکب 27 ڈرائیوروں کے لائسنس منسوخ کیے گئے ہیں،

پبلک سروس گاڑیوں کے ڈرائیوروں، مالکان کے خلاف 52 مقدمات بھی درج کیے گئے۔ ترجمان نے بتایا کہ غفلت و کوتاہی کے مرتکب گاڑیوں کے مالکان اور اڈہ منیجرز کے خلاف بھی کاروائی ہو گی،شہریوں کی زندگی کو خطرے میں ڈالنے والوں کے خلاف قانونی کارروائی کو یقینی بنایا جائے گا۔

Short Link: https://urdu.app.com.pk/urdu/?p=514501