راولپنڈی۔ 06 ستمبر (اے پی پی):راولپنڈی ٹریفک پولیس کی جانب سے07ستمبر چہلم شہدائے کربلا کے جلوسوں کے حوالے سے ٹریفک پلان جاری کردیا گیا۔چہلم کے موقع پرراولپنڈی شہر میں ٹریفک پولیس کے250سے زیادہ افسران و جوان تعینات ہوں گے۔سی ٹی او تیمور خان کا کہنا ہے کہ چہلم شہدائے کربلا کے سلسلہ میں تحصیلوں سمیت کل12جلوس نکالے جائیں گے۔جلوس کے اوقات میں شہر میں 12 مختلف مقامات پر ٹریفک ڈائیورشن لگائی جائے گی۔لیاقت روڈ DAV کالج چوک ڈائیورشن لگا کر ٹریفک کوگوالمنڈی روڈ کی طرف موڑا جائے گا۔سٹی صدر روڈمشرق ہوٹل سے فوارہ چوک تک بند ہو گی اور ٹریفک کو موہن پورہ کی طرف بھیجا جائے گا۔
کشمیری بازار روڈمکمل بند ہو گی اور ناولٹی سینما سے ٹریفک کو مچھلی منڈی اور متبادل راستوں کی طرف موڑا جائے گا۔تھانہ گنجمنڈی مکمل ڈائیورشن ہو گی اور ٹریفک کو ہملٹن روڈ کی طرف بھیجا جائے گا۔باغ سرداراں روڈ چونگی نمبر 4سے بانسا نوالہ چوک تک روڈ مکمل بند ہو گی اور ٹریفک کو اصغر مال کی طرف موڑا جائے گا۔ بنی چوک ڈائیورشن کے وقت ٹریفک کو سرکلر روڈ،وارث خان روڈ، کوہاٹی بازارکی طرف بھیجا جائے گا۔ اقبال روڈ کمیٹی چوک سے فوارہ چوک مکمل ڈائیورشن ہو گی اور ٹریفک کو مری روڈ کی طرف بھیجا جائے گا۔
گارڈن کالج روڈاکبر انٹرنیشنل سے نیا محلہ تک ٹریفک کے لیے بند ہونے پر ٹریفک کو لیاقت روڈ بھیجا جائے گا۔جلوس کے وقت5thروڈرحمان آباد ٹرن مری روڈ کالج چوک سید پورروڈ تک مکمل بند ہو گی۔جلوس کے وقت4thروڈپنجاب بینک گول چکر سے کالی ٹینکی چوک تک ٹریفک کے لیے بند کی جائے گی۔بوقت جلوس اصغر مال روڈاصغر مال ٹرن مری روڈ تا ڈگری کالج چوک تک مکمل بند ہو گی۔انکا کہنا تھا کہ تمام ٹریفک اہلکار چہلم شہدائکربلا کے موقع پر اپنے فرائض انتہائی الرٹ رہتے ہوئے سر انجام دیں۔ٹریفک پلان اورسکیورٹی کو یقینی بنانے کے لیے ضلعی پولیس کے ساتھ ٹیم ور ک کو یقینی بنائیں۔
Short Link: https://urdu.app.com.pk/urdu/?p=387539
