راول ڈیم کے سپل ویز کل جمعہ کو صبح 6 بجے کھولنے کا فیصلہ

اسلام آباد۔28اگست (اے پی پی):راول ڈیم کے سپل ویز کل (جمعہ کو) صبح 6 بجے کھولنے کا فیصلہ کیا گیا ہے ۔ راول ڈیم کا لیول 1751 فٹ پر پہنچ چکا ہے۔این ڈی ایم اے نے تمام متعلقہ اداروں کو پیشگی آگاہ کر دیا۔ جمعرات کو این ڈی ایم اے سے جاری کردہ بیان کے مطابق کورنگ نالہ میں پانی کے بہائو میں اضافہ متوقع ہے۔کورنگ نالہ سے ملحقہ رہائشی آبادیوں کے مکین محتاط رہیں۔ عوام سے التما س ہے کہ پانی کا بہائو تیز ہونے کی صورت میں نالہ اور نالے پر بنے عارضی پل کراس کرنے سے گریز کریں۔