ماسکو ۔ 12 اگست (اے پی پی) روسی وزیر خارجہ سیرگئی لاوروف اور ان کے برطانوی ہم منصب بورِس جانسن نے بذریعہ فون باہمی تعلقات کو معمول پر لانے کے حوالے سے بات چیت کی۔ روسی وزارت خارجہ کے مطابق دونوںرہنماوں نے دونوں ممالک کے تعلقات معمول پر لانے کے حوالے سے امید کا اظہار کیا اور سیاسی ڈائیلاگ شروع کرنے کی ضرورت پر زور دیا۔ بیان کے مطابق وزرائے خارجہ شام کی صورتحال اور دہشت گردی کے موضوع پر بھی بات چیت کی۔
