اسلام آباد ۔ 5 اگست (اے پی پی) زاہد حفیظ چوہدری کو ترجمان دفتر خارجہ مقرر کر دیا گیا ہے، اس سلسلے میں وزارت خارجہ نے بدھ کو نوٹیفیکشن جاری کر دیا ہے۔ نوٹیفیکشن کے مطابق عائشہ فاروقی کی جگہ زاہد حفیظ چوہدری کو ترجمان دفتر خارجہ تعینات کر دیا گیا ہے۔ زاہد حفیظ وزارت خارجہ میں بطور ڈی جی جنوبی ایشیا و سارک تعینات تھے۔ زاہد حفیظ پاکستانی سفارتخانہ واشنگٹن اور لندن میں ہائی کمشنر کی خدمات سر انجام دے چکے ہیں، اس کے علاوہ وہ بطور ڈی جی ایران، افغانستان، ترکی اور جوائنٹ سیکرٹری نیشنل سیکورٹی بھی رہ چکے ہیں۔ زاہد حفیظ وزارت خارجہ میں 26 سال سے خدمات سرا نجام دے رہے ہیں۔
