"سابق کٹھ پتلی وزیراعلیٰ فاروق عبداللہ نے مودی حکومت کے سکیورٹی بیانیے پر سنگین الزامات عائد کرتے ہوئے کہا ہے کہ مودی حکومت کشمیر میں ہونے والی دہشت گردی کی ذمہ دار ہے۔”
سابق کٹھ پتلی وزیراعلی کے مودی حکومت کے سیکورٹی بیانیہ پر سنگین الزامات ، مودی حکومت کشمیر میں ہونیوالی دہشتگردی کی ذمہ دار ہے۔ فاروق عبداللہ
اسلام آباد۔3اگست (اے پی پی):سابق کٹھ پتلی وزیراعلی فاروق عبداللہ نے مودی حکومت کے سیکورٹی بیانیہ پر سنگین الزامات عائد کرتے ہوئے کہا ہے کہ مودی حکومت کشمیر میں ہونیوالی دہشتگردی کی ذمہ دار ہے۔
بھارتی میڈیا کے مطابق انہوں نے پاکستان کو کولگام واقعے سے جوڑنے کو بھی رد کر دیا۔اپنے ایک انٹرویو میں فاروق عبداللہ نے سوال اٹھایا کہ اگر دہشت گردی ختم ہو چکی تو مزدوروں کو مارنے والے کون ہیں؟ پورا بارڈر کنٹرول میں ہے تو یہ قاتل کہاں سے آ رہے ہیں؟ کشمیر کا خصوصی تشخص کا مطالبہ سامنے آتے ہی ایسے مشکوک واقعات کیوں ہوتے ہیں؟انہوں نے کہا کہ جنتر منتر پر اسٹیٹ ہوڈ کے بھر پور احتجاج کے فوراً بعد کولگام میں مزدوروں پر حملہ گہری سازش ہے، انہوں نے مطالبہ کیا کہ کولگام واقعے کی جانبدارانہ لیپا پوتی کے بجائے سچی اور ایماندارانہ تحقیقات کروائی جائے۔ انہوں نے استفسار کیا کہ اگر حالات نارمل ہیں تو مقبوضہ کشمیر کا اسٹیٹ ہوڈ واپس کیوں نہیں دیا جاتا؟ انہوں نے کہا کہ بی جے پی سیاسی مفاد کے لیے کشمیر کا بیڑا غرق کر رہی ہے۔ بھارتی میڈیا کے مطابق میر واعظ عمر فاروق نے بھی خطے میں امن کے لئے مزاکرات پر زور دی جبکہ کانگرس پارٹی نے بھی بی جے پی کے بیانیے کو رد کر دیا ۔ حکومتی خواہش کے برعکس کانگرس نے کولگام واقعے میں بیرونی ہاتھ کا بیان نہیں دیا۔ سیاسی ماہرین کا کہنا ہے کہ کولگام واقعہ دہلی سرکار کی من گھڑت سیکورٹی ڈرامے بازی کا تسلسل ہے ، مودی حکومت مقبوضہ کشمیر میں خون بہا کر اپنے سیاسی اور معاشی بحرانوں سے دھیان ہٹا رہی ہے ، کاکروچ جنتا پارٹی کے احتجاج سے عوامی توجہ ہٹانے کے لیے مقبوضہ کشمیر کو استعمال کیا گیا ۔ بغیر ثبوت پاکستان پر الزام تراشی کرنا بھارت کے انٹیلی جنس فیلیرز چھپانے کا پرانا حربہ ہے۔ ماہرین کے مطابق جنتر منتر احتجاج کے دوران بھارتی عوام نے ہر معاملے میں پاکستانی سازش کے الزامات پر مودی حکومت کو خوب لتاڑا۔ گودی میڈیا کی بھرپور کوششوں کے باوجود بھارتی عوام مقبوضہ کشمیر میں پاکستانی مداخلت ماننے کو تیار نہیں ۔ ماہرین کے مطابق مقبوضہ کشمیر پر ڈائریکٹ قبضہ برقرار رکھنے کے لیے دہلی سرکار مسلسل مصنوعی بحران پیدا کر رہی ہے ، ہر واقعے کو پاکستان سے جوڑ کر بھارتی حکومت مقبوضہ کشمیر میں دس لاکھ فوج رکھنے کا جواز بناتی ہے ۔
