سرمائی اولمپکس2026،سپین کے فگر سکیٹر کے لئے مینینز موسیقی کی اجازت کی امید

میلان۔4فروری (اے پی پی):سپین کے فگر سکیٹر تومس لورنس گوارینو ساباتے نے اٹلی میں ہونے والے سرمائی اولمپکس 2026میں مینینز فلم سیریز کی موسیقی پر اپنی کارکردگی کے لئے اجازت ملنے کی امید ظاہر کی ہے، تاہم یونیورسل سٹوڈیوز سے کاپی رائٹ کلیئرنس حاصل کرنا ضروری ہوگا۔بی بی سی کے مطابق 2025-26 کے سیزن میں تومس لورنس گوارینو ساباتے نے اپنی مشہور رنگین اور منفرد رُوٹینز میں مینینز کے گانوں پر سکیٹنگ کی، جس میں وہ پیلا ٹی شرٹ اور نیلے اوورآلز پہن کر، فلم کے کرداروں جیسا لباس اپناتے رہے۔

سابقہ دنوں میں انہوں نے کہا تھا کہ اولمپکس میں یہ پرفارمنس ممکن نہیں ہو گی کیونکہ یونیورسل پکچرز نے اجازت نہیں دی تھی، تاہم تومس لورنس گوارینو ساباتے نے اعلان کیا کہ یونیورسل سٹوڈیوز نے اپنا اعتراض واپس لے لیا ہے اور وہ اپنی رُوٹین دکھانے کے بہت قریب ہیں۔تومس لورنس گوارینو ساباتے نے مداحوں کا شکریہ ادا کرتے ہوئے کہا کہ بہت شکریہ اُن سب کا جنہوں نے پوسٹ شیئر کی، حمایت کی اور ساتھ دیا۔

آپ کی وجہ سے یونیورسل سٹوڈیوز نے یہ خاص موقع کے لیے موسیقی استعمال کرنے کی اجازت دی۔انہوں نے مزید کہا کہ ابھی پروگرام کے باقی دو گانوں کی کچھ باتیں طے پانا باقی ہیں، لیکن سب کچھ تقریباً مکمل ہے اور یہ سب مداحوں کی حمایت کے سبب ممکن ہوا ہے۔تومس لورنس گوارینو ساباتے کی شارٹ پروگرام رُوٹین، جو سنگلز فگر سکیٹنگ میں دو رُوٹینز میں سے پہلی ہے، رواں سیزن میں شفلڈ میں ہونے والے یورپی فگر سکیٹنگ چیمپئن شپ سمیت کئی مقابلوں میں مداحوں کو بہت پسند آئی۔ وہاں وہ 18 ویں نمبر پر آئے، لیکن فینز میں سب سے زیادہ مقبول قرار پائے۔

چھ بار کے سپینش چیمپئن اور اپنے اولمپکس کے آغاز کے لیے میلان میں حاضر ہونے والے تومس لورنس گوارینو ساباتے نے بتایا کہ انہوں نے تمام ضروری کارروائیاں مکمل کر کے موسیقی کو انٹرنیشنل سکیٹنگ یونین (آئی ایس یو) کے ClicknClear سسٹم کے ذریعے اگست میں جمع کرایا تھا۔ اگر وہ مینینز موسیقی استعمال نہ کر سکیں تو ان کا متبادل Bee Gees کا گانا ہے، جو وہ گزشتہ سیزن میں استعمال کرتے رہے تھے۔

آئی ایس یو نے ایک بیان میں کہاجس طرح کاپی رائٹ کلیئرنس کے مسائل آرٹ سٹائل کھیلوں کے لیے چیلنج ہو سکتے ہیں، ہم جیسے ہی اس معاملے میں مزید معلومات حاصل کریں گے، انہیں مناسب طریقے سے شیئر کریں گے۔یہ پیش رفت تومس لورنس گوارینو ساباتے اور ان کے مداحوں کے لیے خوش آئند خبر ہے کہ اولمپکس میں ان کی مینینز پر مبنی رُوٹین حقیقی طور پر دکھائی دے سکے گی۔