ریاض۔26فروری (اے پی پی):سعودی عرب کے وزیر داخلہ شہزادہ عبدالعزیز بن سعود بن نایف بن عبدالعزیز (جو عرب وزرائے داخلہ کونسل کے اعزازی چیئرمین بھی ہیں )نے تیونس کے ہم منصب کمال الفقی سے ملاقات کی اور وزارتی اجلاس کے ایجنڈے کا جائزہ لیا۔
سرکاری خبر رساں ادارے کے مطابق ملاقات میں مشترکہ دلچسپی کے متعدد امور سمیت پیر کو تیونس میں ہونے والے عرب وزرائے داخلہ کونسل کے 41 ویں اجلاس کے ایجنڈے کا بھی جائزہ لیا گیا۔اس موقع پر معاون وزیر داخلہ برائے آپریشنز امور لیفٹننٹ جنرل سعید بن عبداللہ القحطانی، وزارت کے انڈر سیکرٹری ڈاکٹر خالد بن محمد البتال اور دیگر عہدیدار بھی موجود تھے۔
