اسلام آباد۔24مارچ (اے پی پی):سپریم کورٹ میں فوجی عدالتوں کے خلاف اپیلیں سماعت کے لئے مقرر کر دی گئی ہیں۔
عدالت عظمیٰ کی جانب سے جاری کاز لسٹ کے مطابق (آج) پیر 25 مارچ 2024ء کو جسٹس امین الدین خان کی سربراہی میں سپریم کورٹ کا چھ رکنی لارجر بینچ اپیلوں پر سماعت کرے گا۔ کاز لسٹ کے مطابق جسٹس محمد علی مظہر، جسٹس سید حسن اظہر رضوی، جسٹس شاہد وحید، جسٹس مسرت ہلالی اور جسٹس عرفان سعادت خان 6 رکنی لارجر بنچ میں شامل ہیں۔
