سیلابی صورتحال کے پیشِ نظر پنجاب کے 9 اضلاع میں پولیو مہم موخر کرنے کا فیصلہ

اسلام آباد۔29اگست (اے پی پی):سیلابی صورتحال کے پیشِ نظر پنجاب کے 9 اضلاع میں پولیو مہم موخر کرنے کا فیصلہ کیا گیا ہے ۔نیشنل ایمرجنسی آپریشنز سینئر کے حکام کی جانب سے جاری بیان کے مطابق لاہور، شیخوپورہ، قصور، اوکاڑہ، گوجرانوالہ، سیالکوٹ، ملتان، مظفرگڑھ، بہاولپور میں انسداد پولیو مہم موخر جبکہ راولپنڈی، اٹک، میانوالی، فیصل آباد، ڈی جی خان، راجن پور، رحیم یار خان میں مہم شیڈول کے مطابق ہوگی۔انہوں نے کہا کہ ملک کے دیگر حصوں میں پولیو مہم 1 ستمبر سے مقررہ شیڈول کے مطابق شروع ہوگی۔انہوں نے کہا کہ مہم کے دوران جب بھی پولیو ٹیم آپ کے دروازے پر آئے، تو ان سے تعاون کریں۔ انہوں نے والدین سے اپیل ہے کہ اپنے 5 سال سے کم عمر بچوں کو پولیو کے قطرے لازمی پلوائیں۔