اسلام آباد۔11اپریل (اے پی پی):ملک سے سیمنٹ کی برآمدات میں جاری مالی سال کے پہلے 9ماہ میں سالانہ بنیادوں پر28فیصدکااضافہ ہواہے، جاری مالی سال کے دوران سیمنٹ کی مقامی کھپت میں سالانہ بنیادوں پر7فیصدکی کمی ہوئی ہے۔آل پاکستان سیمنٹ مینوفیکچررزایسوسی ایشن کے اعدادوشمارکے مطابق مالی سال کے پہلے9ماہ میں سیمنٹ کی برآمدات6532000ٹن ریکارڈکی گئیں جوگزشتہ مالی سال کی اسی مدت کے مقابلہ میں 28فیصدزیادہ ہے،
گزشتہ مالی سال کی اسی مدت میں سیمنٹ کی برآمدات 5100000ٹن ریکارڈکی گئی تھیں۔مارچ میںسیمنٹ کی برآمدات 609000ٹن ریکارڈکی گئی جوگزشتہ سال مارچ کے مقابلہ میں ایک فیصدزیادہ ہے، گزشتہ سال مارچ میں سیمنٹ کی برآمدات 608000ٹن ریکارڈکی گئی تھیں، فروری کے مقابلہ میں مارچ میں سیمنٹ کی برآمدات میں ماہانہ بنیادوں پر14فیصداضافہ ریکارڈکیاگیاہے، فروری میں سیمنٹ کی برآمدات کاحجم 532000ٹن ریکارڈکیاگیا جومارچ میں بڑھ کر609000ٹن ہوگیا۔
آل پاکستان سیمنٹ مینوفیکچررزایسوسی ایشن کے مطابق مالی سال کے پہلے 9ماہ میں ملک میں سیمنٹ کی مقامی کھپت کاحجم 27463000ٹن ریکارڈ کیا گیا ہے جوگزشتہ مالی سال کی اسی مدت کے مقابلہ میں 7فیصدکم ہے،گزشتہ مالی سال کی اسی مدت میں سیمنٹ کی مقامی کھپت کاحجم 29403000ٹن ریکارڈکیاگیاتھا۔مارچ میں ملک میں 2961000ٹن سیمنٹ کی مقامی کھپت ریکارڈکی گئی ہے جوفروری کے 3068000ٹن کے مقابلہ میں تین فیصد اورگزشتہ سال مارچ کے 3338000ٹن کے مقابلہ میں 11فیصدکم ہے۔
Short Link: https://urdu.app.com.pk/urdu/?p=580651
