سیوامریکا کے نام سے ڈونلڈٹرمپ کی نئی کتاب، سرورق پر قاتلانہ حملے کی تصویر

واشنگٹن ۔26جولائی (اے پی پی):سابق امریکی صدر ڈونلڈ ٹرمپ نے سماجی رابطے کی ویب سائٹ ٹروتھ سوشل پر اپنی نئی کتاب سیو امریکا کا اعلان کیا ہے جس کے سر ورق پر قاتلانہ حملے کی تصویر شیئر کی گئی ہے۔

العربیہ اردو کے مطابق انہوں نے کہا انہیں اپنی نئی کتاب سیو امریکاکا اعلان کرتے ہوئے خوشی ہو رہی ہے۔انہوں نے کہا کہ جیسا کہ سب جانتے ہیں ان پہلی دو کتابیں ’’ہمارا سفر ایک ساتھ‘‘ اور’’ٹرمپ کو خطوط‘‘ نے حیرت انگیز کامیابی حاصل کی ہے۔ اب یہ تیسری کتاب سب سے بہتر ہے، خاص طور پر اس حقیقت کی روشنی میں کہ اس وقت ہم ایک ناکام زندگی میں رہ رہے ہیں، لیکن یہ صورت حال زیادہ دیر تک ناکام نہیں ہوگی ۔ڈونلڈ ٹرمپ کی کتاب امریکا کو بچاؤ میں انہوں نے امریکا کے 45 ویں صدر کے طور پر اپنے چار سالوں کا ایک جائزہ اور اپنی آئندہ مدت کے لیے اپنا ایک ویژن پیش کیا ہے۔سیو امریکامیں عالمی رہنماؤں کے ساتھ ہونے والی تاریخی ملاقاتوں سے لے کر وائٹ ہاؤس کی تصویری کہانیوں تک موجود ہے۔

ہر تصویر کوڈونلڈ ٹرمپ نے اپنے الفاظ کے ساتھ منتخب کیا تھا۔خوبصورتی سے ڈیزائن کی گئی کتاب سیو امریکا میں ڈونلڈ ٹرمپ کی مٹھی لہراتے ہوئے تصویر کا کور پیش کیا گیا ہے۔ اس کتاب میں ٹرمپ کے اہم موضوعات اور کامیابیوں کو دکھایا گیا ہے۔ کتاب میں اہم تجارتی مذاکرات، ٹیکسوں میں کمی، بین الاقوامی سفارت کاری، سرحدی سلامتی اور ٹرمپ کی دیگر کامیابیوں پر روشنی ڈالی گئی ہے۔طاقتور تصاویر اور تبصروں کا یہ امتزاج ڈونلڈ ٹرمپ کے امریکا کے مستقبل کے ویژن کی واضح تصویر پیش کرتا ہے۔ کتاب کی ویب سائٹ کے مطابق سیو امریکا وہ واحد کتاب ہے جو ماضی پر روشنی ڈالتی ہے اور ڈونلڈ ٹرمپ کی جانب سے براہ راست مستقبل کے لیے روڈ میپ فراہم کرتی ہے۔