سیالکوٹ۔14اکتوبر (اے پی پی):صدرویمن چیمبر آف کامرس اینڈ انڈسٹری سیالکوٹ (ڈبلیو سی سی آئی ایس) ڈاکٹر مریم صدیقہ نے بینک اسلامی پاکستان لمیٹڈ کے زیر اہتمام کارپوریٹ ڈنر میں شرکت کی۔تقریب کے دوران ڈاکٹر مریم صدیقہ نے بینک اسلامی پاکستان لمیٹڈ کے صدر اور سی ای او رضوان عطا، ہیومن ریسورسز کی سربراہ سائرہ گبول اور کشمیر روڈ سیالکوٹ کے برانچ منیجر طاہر جمیل قریشی سے ملاقات کی۔ اس موقع …
صدرویمن چیمبر آف کامرس اینڈ انڈسٹری سیالکوٹ کی بینک اسلامی پاکستان لمیٹڈ کے زیر اہتمام کارپوریٹ ڈنر میں شرکت
مزید خبریں
سیالکوٹ۔14اکتوبر (اے پی پی):صدرویمن چیمبر آف کامرس اینڈ انڈسٹری سیالکوٹ (ڈبلیو سی سی آئی ایس) ڈاکٹر مریم صدیقہ نے بینک اسلامی پاکستان لمیٹڈ کے زیر اہتمام کارپوریٹ ڈنر میں شرکت کی۔تقریب کے دوران ڈاکٹر مریم صدیقہ نے بینک اسلامی پاکستان لمیٹڈ کے صدر اور سی ای او رضوان عطا، ہیومن ریسورسز کی سربراہ سائرہ گبول اور کشمیر روڈ سیالکوٹ کے برانچ منیجر طاہر جمیل قریشی سے ملاقات کی۔
اس موقع پر گفتگو کرتے ہوئے ڈاکٹر مریم صدیقہ نے کہاکہ ڈبلیو سی سی آئی ایس اسلامی بینکاری کو فروغ دینے اور ایک جامع کام کی جگہ کو برقرار رکھنے میں بینک اسلامی کی قابل ستائش کوششوں کو سراہتا ہے جہاں افرادی قوت کی اکثریت خواتین پر مشتمل ہے۔
انہوں نے کہا کہ دونوں ادارے مستقبل میں تعاون کے منتظر ہیں جس کا مقصد خواتین کاروباریوں کی مدد کرنا اور اسلامی بینکاری اقدامات کے ذریعے مالی شمولیت کو آگے بڑھانا ہے۔ اس موقع پر ڈاکٹر مریم صدیقہ کے شوہر ڈاکٹر نعمان بھی ان کے ہمراہ تھے۔
