اسلام آباد ۔ 26 جنوری (اے پی پی)صدر مملکت عارف علوی نے کہا ہے کہ وفاقی حکومت عوام کو سستی اور معیاری ادویات کی آسان فراہمی کے لئے دواسازی کی صنعت کو ہر ممکن سہولت فراہم کرنے کے لئے کوشاں ہے۔یہ بات انہوں نے پاکستان فارماسیوٹیکل مینوفیکچرز ایسوسی ایشن کے وفد سے بات چیت کرتے ہوئے کہی جنہوں نے ہفتہ کو گورنر ہاﺅس میں ان سے ملاقات کی اس موقع پر گورنر سندھ اور وفاقی وزیر برائے نیشنل ہیلتھ سروسز بھی موجود تھے۔ وفد کی سربراہی پاکستان فارماسیوٹیکل مینوفیکچرز ایسوسی ایشن کے چیئرمین زاہد سعید کر رہے تھے۔اس موقع پر صدر مملکت نے کہا کہ وفاقی حکومت عوام کو سستی اور معیاری ادویات کی آسان فراہمی کے لئے دواسازی کی صنعت کو ہر ممکن سہولت فراہم کرنے کے لئے کوشاں ہے۔اس موقع پر گورنر سندھ نے کہا کہ عوام کی زندگیوں میں مثبت تبدیلیوں کے لئے شعبہ صحت پر خاص توجہ دی جارہی ہے۔دوا ساز کمپنیاں عوام کو صحت عامہ کی سہولیات کی بہترین فراہمی کے لئے حکومت کے ساتھ تعاون کریں۔وفاقی وزیر نیشنل ہیلتھ سروسزعامرمحمودکیانی نے کہا کہ دوا ساز کمپنیوں کو درپیش مسائل ترجیح بنیاد پر حل کرنے کی یقین دہانی بھی کرائی۔انہوں نے کہا کہ دواساز کمپنیوں کے سی ای اوز نے جے پی ایم سی ، این آئی سی وی ڈی اور این آئی سی ایچ کے سلسلے میں اپنے مکمل تعاون کی یقین دہانی کرائی۔ فارماسیوٹیکل مینوفیکچر ایسوسی ایشن کے چیئرمین زاہد سعید نے کہا کہ صنعت سے وابستہ مسائل کے حل کی جانب انڈسٹریل لائڑن کمیٹی کی تشکیل احسن قدم ہے۔
