صدر مملکت ممنون حسین کی سعودی فرما ںرواءاورخادم الحرمین الشریفین شاہ سلمان بن عبدالعزیز سے ملاقات ، باہمی و دوطرفہ دلچسپی کے امور پر تبادلہ خیال

161
APP06-18 MAKKAH: June 18 - President Mamnoon Hussain with King Salman bin Abdul Aziz at the Safa Palace, Makkah during an Iftar Dinner hosted by Saudi King here in Saudi Arabia. APP

جدہ ۔ 18 جون (اے پی پی) صدر مملکت ممنون حسین نے مکہ کے الصفاءپیلس میں سعودی عرب کے فرمان رواءاورخادم الحرمین الشریفین شاہ سلمان بن عبدالعزیز سے ملاقات کی۔ شاہ سلمان بن عبدالعزیز نے صدر مملکت اور ان کے وفد کے اعزاز میں افطاری کا اہمتام کیا تھا۔اس موقع پر دونوں رہنماءکچھ دیر ساتھ رہے اور باہمی و دوطرفہ دلچسپی کے امور پر تبادلہ خیال کیا۔صدر مملکت نے کہاکہ پاکستان اورسعودی عرب کے درمیان برادرانہ تعلقات قائم ہیں اور تمام پاکستانیوں کے دل میں سعودی عرب کیلئے خصوصی مقام ہے۔صدر مملکت نے حرمین شریفین کی زیارت کیلئے آنیوالے معتمرین اور عازمین حج کو سہولیات کی فراہمی پر شاہ سلمان بن عبدالعزیز کی فراخدلی اورکوششوں کی تعریف کی ۔بعدازاں صدر مملکت اوران کے وفد کے اراکین کمرشمل پرواز کے ذریعے سعودی عرب سے وطن واپس روانہ ہوگئے۔گورنر جدہ شہزادہ مشال بن ماجد بن عبدالعزیز، جدہ کے مئیر ڈاکٹر ہانی بن محمد ابو رئیس اور دیگر سعودی حکام نے صدر مملکت اور ان کے وفد کو شاہ عبدالعزیز ائیرپورٹ پر رخصت کیا۔