اسلام آباد۔7فروری (اے پی پی):الیکشن کمیشن نے ضلع پشین میں دھماکہ کا نوٹس لیتے ہوئے چیف سیکرٹری اور آئی جی بلوچستان سے رپورٹ طلب کر لی۔
بدھ کو میڈیا اور مانیٹرنگ ٹیموں کی رپورٹس کے مطابق بلوچستان کے ضلع پشین پی بی ۔ 47 میں سیاسی جماعت کے دفتر کے قریب دھماکہ کے نتیجہ میں متعدد افراد کے جاں بحق اور زخمی ہونے کے واقعہ کا نوٹس لیتے ہوئے الیکشن کمیشن نے چیف سیکرٹری اور آئی جی بلوچستان سے فوری رپورٹس طلب کی ہیں اور ہدایت کی ہے کہ ان واقعات میں ملوث افراد کے خلاف فوری کارروائی کی جائے ۔
