عید الفطر کے موقع پر گوشت کی قیمتوں میں اضافہ کرنے والوں کے خلاف سخت کارروائی

راولپنڈی۔29مارچ (اے پی پی):ڈپٹی کمشنر راولپنڈی حسن وقار چیمہ کی خصوصی ہدایت پر عید الفطر کے موقع پر گوشت کی قیمتوں میں اضافہ کرنے والوں کے خلاف سخت کارروائی عمل میں لائی جا رہی ہے۔ ضلعی انتظامیہ نے عوام کی سہولت کے لیے تمام تحصیلوں بالخصوص راولپنڈی میں خلاف ورزی کرنے والوں کے خلاف سنجیدہ اقدامات کیے ہیں۔

ضلعی انتظامیہ کی جانب سے 458 گوشت کی دکانوں کا معائنہ کیا گیا اور گوشت کی قیمتوں میں مصنوعی اضافہ کرنے والوں کو 584,500 جرمانہ، 20 دکانوں کو سر بمہر جبکہ گوشت کی قیمتوں میں مصنوعی اضافے میں ملوث 35 افراد کو گرفتار کیا گیا ہے۔ ضلعی انتظامیہ کا کہنا ہے کہ گوشت کی قیمتوں میں مصنوعی اضافہ کرنے والوں کے خلاف کریک ڈاؤن جاری رہے گا۔

Short Link: https://urdu.app.com.pk/urdu/?p=577287