غزہ جنگ کو فوجی طریقے سے حل نہیں کیا جا سکتا ، جرمنی

برلن ۔12مئی (اے پی پی):جرمنی نے کہا ہے کہ غزہ جنگ کو فوجی طریقے سے حل نہیں کیا جا سکتا ہے ۔ ڈی ڈبلیو کے مطابق جرمن وزیر خارجہجوہان وڈیفل نے کہا ہے کہ غزہ میں اسرائیلی جنگ کو فوجی طریقے سے حل نہیں کیا جا سکتا۔ نیز مکمل جنگ بندی کے لیے سیاسی حل تلاش کرنا چاہیے۔

انہوں نے اس امر کا اظہار فلسطین میں کیا ہے۔ انہوں نے کہاکہ غزہ کے تنازعے کو فوجی طریقے سے حل نہیں کیا جا سکتا اس کے لیے ضروری ہے کہ حماس کو غیر مسلح کیا جائے اور غزہ پر اس کا کنٹرول نہیں رہنا چاہیے۔ انہوں نے مزید کہا کہ جرمنی اسرائیل کی سلامتی کے لیے جو کچھ ہو سکا وہ کرے گا۔ تاہم اس کا مطلب یہ نہیں ہے کہ اسرائیل کے طرز عمل پر تنقید نہیں کر سکتے۔ نیز یہ یہود دشمنی کا باعث نہیں بننا چاہیے۔

جرمن وزیر خارجہ نے کہا کہ اس امر پر یقین نہیں آتا کہ اسرائیل تزویراتی اہداف کے حصول کے لیے فوجی مہم کا راستہ اختیار کرے۔ اسی لیے ہم جنگ بندی مذاکرات کی طرف واپسی کی اپیل کر رہے ہیں۔انہوں نے کہا کہ اسرائیلی قیدیوں کی واپسی جرمن حکومت کی ترجیح ہے۔ ان کا کہنا تھا کہ یہ واضح ہے کہ غزہ فلسطینی سرزمین کا حصہ ہے۔ تاہم غزہ کی تعمیر نو کے لیے حماس کے بغیر سیاسی حل کی ضرورت ہے۔

Short Link: https://urdu.app.com.pk/urdu/?p=595892