غیرت کے نام پر قتل پر سخت سزا دینے کا بل منظور ہونے پر وزیراعظم محمد نواز شریف کی پارلیمنٹ اور پوری قوم کو مبارکباد،ملک بھر میں قانون پر مکمل عملدرآمد یقینی بنائیں گے،روشن خیال اور ترقی پسند قوتیں حکومت کا ساتھ دیں،وزیراعظم محمد نواز شریف
اسلام آباد ۔ 6 اکتوبر (اے پی پی) وزیراعظم محمد نواز شریف نے پارلیمنٹ کے مشترکہ اجلاس میں غیرت کے نام پر قتل پر سخت سزا دینے کا بل منظور ہونے پر پارلیمنٹ اور پوری قوم کو مبارکباد دی ہے۔ جمعرات کو وزیراعظم ہاﺅس سے جاری بیان میں کہا گیا ہے کہ وزیراعظم محمد نواز شریف نے پارلیمنٹ، این جی اوز، سول سوسائٹی، دانشوروں، میڈیا اور اس کیلئے محنت اور حمایت کرنے والوں کو مبارکباد دی ہے۔ انہوں نے کہا کہ غیرت کے نام پر قتل پاکستان کو درپیش انتہائی اہم مسائل میں سے ایک تھا، حکومت معاشرے سے اس دھبہ کو ہٹانے کیلئے تمام ممکنہ طریقے اختیار کرنے کیلئے پرعزم تھی۔
