فائر فائٹرز سمیت تمام ریسکیو اہلکاروں کی فلاح و بہبود کے لیے پرعزم ہیں،وزیراعلیٰ کا فائر فائٹرز ڈے پر پیغام

لاہور۔4مئی (اے پی پی):وزیراعلیٰ پنجاب مریم نواز نے فائر فائٹرز ڈے پراپنے پیغام میں کہا کہ آگ اور خطرات کے سامنے ڈٹ کر کھڑے ہونے والے بہادر اور جانثار فائر فائٹرز کو خراجِ تحسین پیش کرتے ہیں ،آزمائش کی ہر گھڑی میں جہاں سب پیچھے ہٹتے ہیں، وہیں یہ محافظ آگ میں کود کر انسانیت کی خدمت کا عہد نبھاتے ہیں۔

وزیراعلیٰ نے کہاکہ فائر فائٹرز محض آگ بجھانے والے نہیں بلکہ آزمائش کی گھڑی میں روشنی بن کر سامنے آتے ہیں۔پنجاب میں ریسکیو 1122 فائر فائٹرز کی استعداد بڑھانے کے لئے اقدامات کئے گئے ہیں ۔ انہوں نے کہاکہ سیفٹی یقینی بنانے کے لئے ریسکیو 1122فائر فائٹرز کو جدید ترین آلات مہیا کئے گئے ہیں ۔فائر فائٹرز سمیت تمام ریسکیو اہلکاروں کی فلاح و بہبود کے لیے پرعزم ہیں۔

Short Link: https://urdu.app.com.pk/urdu/?p=592367