اسلام آباد۔27جنوری (اے پی پی):قائم مقام صدر سید یوسف رضا گیلانی سے پیرِ آف لواری شریف پیر محمد صادق قریشی نے یہاں ملاقات کی۔ منگل کو ایوان صدر کے میڈیا ونگ کے مطابق اس موقع پر گفتگو کرتے ہوئے قائم مقام صدر نے معاشرے میں امن، برداشت اور یکجہتی کے فروغ کے لئے صوفی روایات کی دیرینہ خدمات کو سراہا۔ انہوں نے کہا کہ روحانی قیادت نے طویل عرصے سے …
قائم مقام صدر سید یوسف رضا گیلانی سے پیرِ آف لواری شریف پیر محمد صادق قریشی کی ملاقات
اسلام آباد۔27جنوری (اے پی پی):قائم مقام صدر سید یوسف رضا گیلانی سے پیرِ آف لواری شریف پیر محمد صادق قریشی نے یہاں ملاقات کی۔
منگل کو ایوان صدر کے میڈیا ونگ کے مطابق اس موقع پر گفتگو کرتے ہوئے قائم مقام صدر نے معاشرے میں امن، برداشت اور یکجہتی کے فروغ کے لئے صوفی روایات کی دیرینہ خدمات کو سراہا۔
انہوں نے کہا کہ روحانی قیادت نے طویل عرصے سے سماجی ہم آہنگی کو مضبوط بنانے اور مختلف طبقات کے درمیان باہمی احترام کو فروغ دینے میں تعمیری کردار ادا کیا ہے۔
ملاقات میں پیر محمد صادق قریشی نے اخلاقی اقدار اور فلاحِ عامہ کی اہمیت پر اظہار خیال کیا۔ انہوں نے قائم مقام صدر کے لئے نیک تمناؤں کا اظہار کیا اور ملک کے استحکام اور ترقی کے لئے دعا کی۔
