اسلام آباد۔17مارچ (اے پی پی):قومی سلامتی بارے خصوصی پارلیمانی کمیٹی کے اجلاس کا وقت تبدیل کردیا گیا جس کے مطابق اب اجلاس 18 مارچ(منگل) کو دن 11 بجے ہوگا۔
ترجمان قومی اسمبلی کے مطابق رمضان المبارک کے تقدس کو ملحوظ خاطر رکھتے ہوئے، قومی سلامتی کی پارلیمانی کمیٹی کے اجلاس کا وقت دن 11بجے بروز منگل کردیا گیا ہے۔قومی سلامتی کی پارلیمانی کمیٹی کا اجلاس اِن کیمرہ منعقد ہو گا،اجلاس میں سکیورٹی صورتحال پر بریفنگ دی جائے گی۔
اجلاس میں عسکری قیادت، پارلیمانی کمیٹی کو ملک کی موجوہ سکیورٹی صورتحال سے آگاہ کرے گی۔قومی سلامتی کی پارلیمانی کمیٹی کا اجلاس قومی اسمبلی ہال میں منعقد ہو گا۔ اجلاس میں پارلیمان میں موجود تمام سیاسی جماعتوں کے پارلیمانی لیڈر اور ان کے نامزد کردہ نمائندگان شرکت کریں گے۔ کابینہ کے متعلقہ اراکین بھی اس اجلاس میں شرکت کریں گے۔
Short Link: https://urdu.app.com.pk/urdu/?p=573415