محقق، عالم دین ڈاکٹر اسرار احمد کی سالگرہ ہفتہ کو منا ئی گئی

اسلام آباد۔26اپریل (اے پی پی):معروف محقق، عالم دین ڈاکٹر اسرار احمد کی سالگرہ ہفتہ 26 اپریل کو منا ئی گئی ۔ ڈاکٹر اسرار احمد 26 اپریل 1932 کو بھارتی ریاست ہریانہ کے ضلع حصار میں پیدا ہوئے۔ قیام پاکستان کے بعد لاہور منتقل ہو گئے اور گورنمنٹ کالج سے ایف ایس سی کا امتحان امتیازی نمبروں سے پاس کیا۔

1954 میں انہوں سے کنگ ایڈورڈ کالج سے ایم بی بی ایس کی ڈگری حاصل کرنے کے بعد 1965ء میں جامعہ کراچی سے ایم اے بھی کیا۔ڈاکٹر اسرار احمد نے 1971 تک میڈیکل پریکٹس کی۔ انہوں نے 1975 میں تنظیم اسلامی کی بنیاد رکھی جس کے وہ بانی قائد تھے۔ڈاکٹر اسرار احمد 1981 میں مجلس شوریٰ کے بھی رکن رہے اور ان کی خدمات کے اعتراف میں انہیں ستارہ امتیاز سے بھی نوازا گیا ۔

ڈاکٹر اسرار احمد نے متعدد کتب بھی تحریر کیں۔ ڈاکٹر اسرار احمد دل کے عارضے اور کمر کی تکلیف کے باعث 14 اپریل 2010ء کو 78 برس کی عمر میں اپنے خالق حقیقی سے جا ملے اور ان کو گارڈن ٹاؤن کے قبرستان میں سپرد خاک کیا گیا۔ ڈاکٹر اسرار احمد کی سالگرہ کے موقع پر علمی و ادبی حلقوں نے ان کی خدمات کے اعتراف میں انہیں خراج تحسین پیش کیا۔

Short Link: https://urdu.app.com.pk/urdu/?p=588169