پشاور۔ 24 اپریل (اے پی پی):مردان تھانہ سٹی پولیس کی کامیاب کارروائی کرتے ہوے اسلحے کی نوک پرشہریوں کو لوٹنے میں ملوث دوملزمان کوگرفتارکرکےمال مسروقہ اوروارداتوں میں استعمال ہونے والا اسلحہ برآمد کرلیا۔
پولیس ترجمان کےمطابق اسلحے کی نوک پرنقدی، موبائل فون اورموٹرسائیکل چھیننے میں ملوث دوملزمان جمال اورسلمان ساکنان باغ ارم تک رسائی حاصل کرکے گرفتار کرلیا، گرفتار ملزمان سے چھینی گئی 26ہزار روہے، 03عدد موبائل فونز، موٹرسائیکل اورواردات میں استعمال ہونے والا پستول بھی برآمد کرلیا گیا، گرفتار ملزمان سے مزید تفتیش جاری ہے۔
