معاون خصوصی ڈاکٹر ثانیہ نشتر کی 8171 ایس ایم ایس کے حوالے سے معلوماتی ویڈیو جاری

اسلام آباد۔19اپریل (اے پی پی):معاون خصوصی ڈاکٹر ثانیہ نشتر نے 8171 ایس ایم ایس کے حوالے سے معلوماتی ویڈیو جاری کر دی ہے۔احساس کفالت پروگرام کی دو سہہ ماہی 12000 روپے کیلئے اپنی اہلیت جاننے کیلئے وفاقی حکومت نے 8171 ایس ایم ایس سروس کا آغاز کیا ہے۔ شناختی کارڈ نمبر8171 پر ایس ایم ایس بھیجنے کے بعد جواب میں صورتحال کے مطابق چار قسم کے پیغام موصول ہوتے ہیں۔

عوام کی سہولت کیلئے ڈاکٹر ثانیہ نشتر نے ایک ویڈیو جاری کی ہے کہ حقدار اور نااہل لوگوں کو کس قسم کے پیغام موصول ہونگے اور جن کا ابھی سروے نہیں ہوا ان کو کیسے پیغام موصول ہونگے۔ یہ رقم کہاں سے وصول کی جا سکتی ہے اور رجسٹریشن ڈیسک کہاں کہاں قائم ہیں اس کی تفصیلات بھی اس ویڈیو میں ہیں۔

Short Link: https://urdu.app.com.pk/urdu/?p=249085